Wong Anyar
Lik Wakinah niku lagi nunggu
kemenakanipun dhateng saking kutha rasane tengang banget tapi ..Mboten
sue kemenakanipun datheng dados griyanipun Lik Wakinah dados rame .
Griyane Lik
Wakinah dados rame sesampunipun wonten Sumi, kemenakanipun ingkang nembe
dhateng saking kutha. Sumi kepengin mapan ing dusun punika ngancani paklike
ingkang sampun krama luwih saking sedasa taun ananging ngantos sapunika dereng
gadhah momongan. Amargi Pasuryanipun Sumi ingkang ayunipun ngedap-ngedapi,
awakipun ingkang resik, lan seneng sesrawungan dadosaken piyambakipun
dipungandrungi sedaya tiyang enem ing dusun punika lan boten kesupen kula ugi
sami ananging yen kula taksih lingsem.
Sedaya ibu-ibu
ugi sami ngrasani solah bawanipun Sumi lan padha ngaosaken bingung amargi
sesampunipun kenal Sumi lare-larenipun asipat aneh-aneh. Menawi adhi kula Tono
punika boten nate wangsul saking griyane lek wakinah, wangsul menawi badhe
siram serasan. Menawi Sardi larenipun Lik Suminah nglindur amargi mikirke Sumi.
Menawi lare ragilipun Yu Minah ingkang asma Yanto punika boten doyan madhang
ananging kosok wangsulipun kaliyan Heru ingkang sansaya katah madhangipun.
Mewani kula namung nyebat asma Sumi nalika kesandung jeglug utawa nalika watuk.
Sonten kula
dolan ing griyane Sri, Sri punika ngendikan menawi Sumi punika dados omonganing
tiyang, ngendikanipun para ibu Sumi dadosaken dusun punika rucek lan ruwet
uwet-uwetan. Sanadjan ing mriku kula inggih angsal pawarta menawi sesampunipun
panen, Heru badhe nglamar Sumi nanging boten dadosaken kuciwaning kula marang Sumi.
Kula taksih boten saget nampi menawi Sumi dipunwicantenaken kados mekaten.
Tono ugi
ngendikan menawi krungu Sumi dados cewek gampangan amargi sampun dados
wicantenan, ngendikanipun Sumi ngandut amargi saben wayah injing piyambakipun
muntah-muntah. Mireng pawarta kados mekaten kula enggal-enggal dhateng ing
griyanipun Lik Wakinah, nalika nembe dumugi ng ngajeng pintu kula mireng Sumi
muntah-muntah lan wonten priyantun ingkang ngaken Sumi supados sabar. Jebule
leres...saking ngendikanipun Lik Wakinah marang kula menawi Sumi punika
ngandhut. Ing mriki Sumi namung numpang supados boten dados wirangipun tiyang
sepuh.
Karya : Wulan Asriningtyas (2005)